AZ
RU
Yenixeber.org: Redaksiyamıza Yardımlı rayon Şıxlar və Mirimli kənd sakinlərindən gələn məktubda belə deyilir.
İddia edilib: “Yardımlı şəhər Səfərbərlik və Hərbi Xidmətə Çağırış şöbəsinin tərkibində fəaliyyət göstərən hərbi həkim komissiyasının sədri və üzvləri ilə əlbir olan Namik adlı vəzifəli Səfərbərlik və Hərbi Xidmətə Çağırış şöbəsinin əməkdaşı, hərbi xidmətdən yayınmaq istəyən gənclərin işini həll etməklə rayonda hörmət sahibinə çevrilib.
Beləki, ölkə qanunlarına müvafiq olaraq iyulun 1-dən Yardımlı gənclərin də hərbi xidmətə çağırışına start verilib. Ölkəni yıxmaq istəyən qüvvələrin dəyirmanına su tökən komissarlıq Namikin vasitəsi ilə rayonda həqiqətən də bazar açıb.
Hər kəs bilir ki, bu gün «Niqodnıy» hərbi biletin qiyməti çox bahadır. 3 500- 4 000 min manata verilməsi mümkün olan hərbi bilet onlarla çağrışçının valideyninə satılmasını iddia edən Şıxlar və Mirimli kənd sakiniləri onu da bildirir ki, komissarlığın bilet biznesi ilə məşğul olan əməkdaşı Namik bəy həmin rüşvətdən əldə etdiyi qazancla hər çağrış zamanı Yardımlı, Masallı kafe və restoranlarında kef məclisi qurmaqla məşğuldur.Yardımlı rayon Mirimli kənd sakini iddia edir ki, “komisarın əməkdaşları bütün kənd gənclərini xəstə çıxararaq çağrışdan yayındırıblar.
Aldıqları rüşvət hesabına Səfərbərlik və Hərbi Xidmətə Çağırış üzrə Dövlət Xidmətinin Yardımlı şöbəsinin əməkdaşları özlərinə məxsus prinsiplərlə işləyirlər. Şöbənin bəzi işçilərinin altında bahalı maşınlar var. Onlar vəzifə maaşı ilə dodaq uçuqladan qiymətə olan avtomobilləri necə sürürlər?
Həmçinin köhnə şöbə rəisi ilə əlbir olan Namik bəy öncəki çağrışlarda da bir neçə sağlam gənc «niqodnıy» hərbi biletlə təmin edib. 3 illik möhlət hüququ olan gənclərə də 150 -200 manata Namik bəy yaxından köməklik göstərir. Amma biz aylarla komisarlığın qəbullunda yatırıq. Bir arayış ala bilmirik.
Qeyd edim ki, bu sahədən əldə olunan gəlirin bir hissəsi şöbə rəisinə çatır. Rəis nə etsə də, məsuliyyətdən yaxasını kənara çəkə və deyə bilməz ki, bu işlərdən mənim xəbərim yoxdur. Çünki həkim komissiyasının çağırışçılar haqqında tərtib etdiyi sənədlərə yekunda şöbə rəisi möhür vurub, imza çəkir.
Təəssüf ki, əlaqədar hüquq-mühafizə orqanları şöbədə üzə çıxan qanunsuzluqların izinə düşüb araşdırma aparmırlar. Hərbi Prokurorluğun və xidmətin məsul şəxsləri şöbədə hökm sürən qanunsuzluqlarla bağlı ölçü götürmürlər…”(güninfo.az)
