“Bu illər nələri yaddaşdan silib. Tamaşaçının indi dağ başına qaldırdığı ulduzların, bir çoxları üçün ideal olanların elə səhvlər və hərəkətləri unudulub ki... Söhbət heç tək bizim sənətçilərimizdən getmir, dünya ulduzlarının həyatlarında da çətin məqamlar yaşanıb, amma sonu nədir?

Reklam və gündəmdən başqa bir şey deyil. İnsanlar 3-4 gün danışıb, yeni mövzu ortaya çıxana qədər vaxtlarını doldurub başını qatarlar. Çünki hərənin öz dərdi, problemi və özəl həyatı var. Və təbii ki, səhvsiz insan yoxdur. Kimsə böyük danışmasın".

Yenixeber.org: Bu sözləri müğənni Natavan Həbibi instaqramda yazıb. O, son vaxtlarda gündəmdən düşməyən həmkarı Aysel Əlizadənin evli kişi ilə münasibət qurması qalmaqalına münasibət bildirib. Daha sonra N.Həbibi əlavə edib ki, başqalarının şəxsi həyatını gündəmə gətirmək doğru deyil:

"Başqasının sirrini, özəlini açan hələ xeyir tapmayıb. İnsan özünü və uşaqlarını düşünsə, heç ağzını açmaz, amma heyiflər olsun ki, bir çoxları sadəcə danışmaq üçün danışır. Düşünmür bunun bədəlinin nə qədər ağır olduğunu...

Nəticədə isə olan sənətçiyə və onun ailəsinə olur. Amma o da çətin olsa da, yenə unudulur. Demək istədiyim odur ki, hər bir halda çox da dərinə getməyin. Kimin günahı var, özü bilər”.

Məlumat üçün bildirək ki, maşın biznesi ilə məşğul olan Elçin Nəcəfovun keçmiş həyat yoldaşı Turanə Nəcəfova Xoşqədəm Hidayətqızının “Səni axtarıram” proqramında 13 illik ailəsinin Ayselə görə dağıldığını iddia edib. Müğənni isə bu ittihamları qəbul etməyib.