Yenixeber.org: Xəbər verildiyi kimi kulturoloq Ənvər Börüsoy AzNews.az-a müsahibəsində xalq artisti Alim Qasımovun xarici qüvvələrin təsiri ilə fəaliyyət göstərdiyini bildirib.

Alim Qasımovun mətbuat xidmətinin rəhbəri Səadət Möhübova AzNews.az-a açıqlamasında söyləyib ki, xalq artisti bu cür adamlar haqqında fikir bildirmək istəmir.

“Alim Qasımov ömrünü muğam sənətinə həsr etmiş insandır. O, neçə illərdir muğam sənətini həm ölkə daxilində, həm də ölkə xaricində tanıtmağa çalışır, həm dünyada, həm Azərbaycanda Alim Qasımovun sənətini yüksək qiymət verirlər. Alim Qasımov o sənətçidir ki, muğamı dünyanın dörd bir yanına aparıb, məşhur salonlardan onun səsi yüksəlib və Azərbaycan muğamını onlara sevdirib. Onu hər yerdə Ustad Alim Qasımov kimi tanıyırlar. Bu, o deməkdir ki, onu muğam bilicisi, sənətkarı kimi bütün dünya sevir. Bu yaxınlarda Böyük Britaniyada Alim Qasımovun rəhbərliyi ilə səhnələşdirilən “Leyli və Məcnun” operasına olan maraq onun necə böyük sənətkar olduğunu bir daha təsqdiqlədi. Gəlin nəyinsə xətrinə məntiqə uyğun olmayan müsahibə verib özümüzü gülüncə vəziyyətə salmaq yerinə dəyərlərimizə qiymət verək və Azərbaycan xalqını ve adını daima yüksəltməyə çalışaq. Alim Qasımov bu cür ittihamlara cavab verməyi sevmir, yalnız gülüb keçir. Çünki Alim Qasımova əsl qiyməti Azərbaycan xalqı verib”.Səadət Möhübova belə deyib.