Kəlbəcər rayon 23 nömrəli tam orta məktəbin direktoru Həqiqət Şükürovanın Kəlbəcər Rayon İcra Hakimiyyətinin başçısı Azər Qocayev və  YAP Kəlbəcər Rayon Təkilatının sədri Həbib Misirov ilə sensasion telefon danşığı sosial şəbəkədə yayılıb. 

Yenixeber.org: Yerli mediada  "Azərbaycan Dəmir Yolları” QSC-nin sabiq sədri Cavid Qurbanovun adamları kimi adları hallanan şəxslərin söhbətinin əsasında Həqiqət Şükürovanın dələduzluq maddəsi ilə cinayət işi açılması və prokuror qarşısına çıxması ilə bağlı olub. 

Sosial şəbəkədə  yayılan səs yazısında  direktoru Həqiqət Şükürova ona Azər müəllimin (Kəlbəcər Rayon İcra Hakikmiyyətinin başçısı - red:)  zəng etdiyini deyir. O İcra Başçısının zənginə gülərək cavab verir və bildirir ki, "aləmi qatmışam bir-birinə, xəbərin yoxdur". O daha sonra icra başçısı ilə söhbətinə belə davam edir:

"Nə etdin sənə şef zəng etmədi? (Şefin Azərbaycan Dəmir Yolları” Qapalı Səhmdar Cəmiyyətinin sabiq sədri Cavid Qurbanov olduğu iddia olunur).

Dünəndən Zaqatalanın prokuror Rasimə, Məhəmmədəliyə, İmamverdiyə və Həbibə zəng edir ki, Həqiqətə deyin gedib şirkəyət ərizəsini geri götürsün. Götürsəm mənim atama min lənət. Hələ davamı olaraq 3 dənə də yazmışam". 

Daha sonra o Azər Qocayevə bildirir ki, səndən küsmüşəm axırıncı dəfə mənə pis sifət etmisən: "Dedin ki, yox hələ gəlmə bura qoy görək bu söhbətlər necə olur. Niyə?

Mən "youtube"dakıların cavabını elə verərəm ki, elə oturdaram yerlərində... "

"Youtube"da yayılan bizə məlum olmayan hansısa görüntünün Əvəz adlı şəxs tərəfindən yayıldığını deyib.  

O daha sonra  Azər Qocayevdən onu Əvəz adlı şəxslə görüşdürməyini xahiş edir. Bildirir ki, bu zaman adını söyüşlə (qeyri-etik olduğu üçün yazmırıq-red:) Əvəz adlı şəxsin onun xətrinə "youtube"da yayılan görüntünü siləcəyini bildirir. 

Həqiqət Şükürova həmçinin sözlərinə belə davam edib:

Cavid müəllim ( Azərbaycan Dəmir Yolları” Qapalı Səhmdar Cəmiyyətinin sabiq sədri Cavid Qurbanov) mənə zəng etmişdi ki, bu söhbətlərdən- prokuororun səni çağırmağından mənim niyə xəbərim yox idi. Səni də yığacaq guman ki. 

Mən də ona bildirdim ki, Cavid müəllim mən sizə zəng etdim, dedilər siz burada yox idiniz.  

Bildirdim ki, Azər müəllimi də işləməyə qoymur. Axşam məni yığ ətraflı danışaq Əvəzə nə demək lazımdır bilim mən". 

Bildirilir ki, 23 nömrəli tam orta məktəbin direktoru Həqiqət Şükürova daha İcra Başçısı Azər Qocayevlə danışdıqdan sonra YAP Kəlbəcər Rayon Təkilatının sədri Həbib Misirov ilə telefon danışığı edib: 

Həqiqət Şükürovanın Həbib Misirova dediklərini təqdim edirik:

"Şef Azərə zəng edib bütün biabır edib ki,  sən hara baxırsan? O qızın başına açılan oyunlar nədir? Azər deyir ki, qurudum qaldım telefonda. O da deyir mən də hamısını danışdım şefə. 

Sən etdin  hər şeyi, dedin ki, get öyrən nə edir, videosunu da çək. Yaxşı etmişəm, səsi də var, videosu da var məndə...

(Qarşı tərəfin nə dediyi eşidilmir...) Həbib sən niyə ikili oyun oynayırsan, mənə bunu izah et bilim. İmamverdi yaxşı adamdır ay Həbib?

Sənə hələ də çatmır ki, şef İmamverdini yaxşı tanıyır?

Sən Şefə niyə izah etmirsən ki, nazirliyə Həqiqəti çağırıblar.

Mən əlimdəki yazıları, videoları Qurbana  göndərəcəm. 

Sən mənim arxamca prokurora söz danışsan məndən inicimə. Azərə deyəcəm sənin payını versin". 

Söhbətin səs yazısını buradan dinləyə bilərsiz...

Xatırladaq ki, 23 saylı Kəlbəcər rayon məktəbinin direktoru olmuş Şükürova Həqiqət Əvəz qızı  şəxsi avtomobilində musiqi sədaları altında çəkdiyi və sosial şəbəkələrdə paylaşılan videosu ilə məşhurlaşmışdı. Daha sonra, 2021-ci ildə Şükürova Həqiqət Əvəz qızı  İbrahimov Emil Ramiz oğlu ilə birlikdə cinayət məsuliyyətinə cəlb edilib.

Hər iki şəxsə qarşı Cinayət Məcəlləsinin 312.2-ci (Vəzifəli şəxs tərəfindən bilə-bilə qanunsuz hərəkətlər (hərəkətsizlik) etməyə görə ona rüşvət vermə və ya təkrar rüşvət vermə) maddəsilə ittiham elan edilmişdi.  Məhkəmə prosesində şahid qismində Samir Mütəllimov ifadə verib. Məlum olub ki, S. Mütəllimov bu cinayət işində vasitəçi olub. O, ayrı-ayrı şəxslərdən pul alaraq təqsirləndirilən şəxslərə verib. Belə ki, Samir Mütəllimov pul aldığı şəxslərə qaçqınlar üçün tikilən binadan adıçəkilən şəxslər vasitəsi ilə mənzil veriləcəyini vəd edibmiş. S.Mütəllimov bir neçə nəfərdən pul aldığını və Həqiqət Şükürovaya verdiyini demişdi.(32gün.az)  

Yenixeber.org olaraq adları hallanan tərəflərin cavab haqqını tanıyırıq.