AZ
RU
Misir səfiri:"İnvestorlarımızın Azərbaycana cəlb edilməsi üçün böyük imkanlar var"
Misirdən olan investorların Azərbaycana cəlb edilməsi üçün böyük imkanlar var.
Yenixeber.org: Bunu Misirin Azərbaycandakı səfiri Hişam Mohamed Naqi Abdel Hamid "Azərbaycan Tikinti Materialları İstehsalçıları Assosiasiyası" (ATMIA) İctimai Birliyinin təmsilçiləri ilə keçirdiyi görüşdə bildirib.
ATMİA-nın icraçı direktoru Şahanə Sarı qurumun əsas məqsədinin tikinti materialları istehsalına dəstək vermək, bu sektorun inkişafı istiqamətində dövlətin həyata keçirdiyi tədbirləri təbliğ etmək olduğunu bildirib. Yerli və xarici istehsalçıları bir araya gətirərək, bu sahədəki innovasiyaların dünyaya tanıdılması sahəsində ATMIA-nın imkanlarının olduğu səfirin diqqətinə çatdırılıb.
Misir rəsmisi iki ölkə arasında tikinti sektorunda əlaqələrin genişləndirilməsinin vacibliyini qeyd edərək, misirli investorlarının Azərbaycana cəlb olunması üçün böyük imkanların olduğunu deyib, ATMIA-nin Fəxri Üzvü seçilməsi ilə bağlı xəbərdən məmnunluğunu ifadə edib.
