Rusiya KİV-nin yaydığı xəbərə görə, «Alfa-bank»ın makroiqtisadi tədqiqatlar Mərkəzinin hazırladığı hesabatda deyilir ki, Rusiyanın iqtisadiyyatı «quyunun dibi»nə qədər enib və onun bərpası bir qədər ləngiyə bilər (Rosbalt).

"Xeberinfo.com":   «Depozitlərin durmadan dollarlaşması iqtisadiyyatın bərpasına inamın aşağı səviyyədə olduğundan xəbər verir. Eyni zamanda, iqtisadiyyatda ehtiyatlı əhval-ruhiyyə qalmaqda davam edir ki, bu da yüksəlişin bərpasını ləngidə bilər» – deyə, RİA «Novosti» hesabatdan sitat gətirir.

İqtisadçıların fikrincə, iyun ayında korporativ kreditlərin dalbadal iki ay ərzində davamlı artmasına baxmayaraq, bank sistemində depozitlərin dollarlaşması da güclənib, banklar isə Mərkəzi Bankdan fondlaşmaya girişi artırıblar.

Ekspertlərin fikrincə, «hesabat dövründə 20 milyard dollar təmiz kapital axınının yalnız 6 milyard dolları xarici borcun bağlanmasına yönəlib. Bu da rubla inamın aşağı səviyyədə olduğundan xəbər verir».

Bankın iqtisadçılarının fikrincə, neqativ əhval-ruhiyyə onu göstərir ki, 2016-cü il üçün ümumi daxili məhsulun (ÜDM) 1,5 faizlik artım proqnozu təhlükə altına düşə bilər (pisləşməyə doğru – red.).

Bundan əvvəl Rusiya Federasiyası İqtisadi inkişaf nazirliyi özünün dəqiqləşdirilmiş son proqnozunda cari ildə ÜDM-in düşməsi üzrə gözləntini əvvəlki proqnoz üzrə 3,0 faizdən 2,8 faizə endirmişdi.

AzPolitika.info