AZ
RU
.jpg)
“Qəbələ” daha bir futbolçudan imtina edir
Qış fasiləsində Yazalde Pinto və Markinyoş Karioka ilə yolları ayıran “Qəbələ” daha bir legionerlə vidalaşa bilər
"Xeberinfo.com": Apasport.az-ın Rumıniya mətbuatına istinadən verdiyi məlumata görə, Andrei Kristea da yol üstədi.
Belə ki, 31 yaşlı rumıniyalı hücumçu ilə ölkəsinin yüksək liqa təmsilçiləri yaxından maraqlanırlar. Konkret olaraq, “Astra” və “Tarqu Mureş” klubları Kristeanı heyətinə qatmaq üçün mübarizə aparırlar.
Həmkarlarımız Kristeanın azad agent statusu almaq məsələsində “Qəbələ” ilə razılığa gəldiyini iddia edirlər. Futbolçunun özü də Rumıniyaya qayıtmaq variantının real olduğunu təsdiqləyib. Kristea hansı klubu seçəcəyi ilə bağlı yekun qərarını isə yaxın günlərdə verəcək.
Əvvəllər “Styaua” və “Dinamo”da (Buxarest) oynamış Kristea Rumıniya çempionatının bombardiri olub.
