AZ
RU
.jpg)
İran yığmasının azərbaycanlı məşhur futbolçusu, “Saypa” komandasının baş məşqçisi Əli Dayi prokurorluğa çağırılıb.
Yenixeber.org: Bu barədə keçmiş futbolçu İnstaqram səhifəsində məlumat yayıb.
“Kirmanşahda zəlzələdən zərərçəkənlərə ev tikmək üçün 11 ay gecə-gündüz çalışmağın son nəticəsi prokurorluğa çağırılmaq oldu”, - yazan baş məşqçi Kirmanşahda baş verən zəlzələdə zərərçəkənlərə edilən maliyyə yardımını mənimsəməkdə şübhəli bilinir.
Göndərilən çağırış vərəqəsində ondan Tehranın Firdosi meydanında yerləşən prokurorluğun maliyyə pozuntuları üzrə şöbəsinə müraciət etməsi tələb olunub.
Qeyd edək ki, Kirmanşah zəlzələsində bir çox məşhur şəxs əhalinin vəziyyətindən sui-istifadə edərək yardım toplayıb və həmin vəsaiti mənimsəyiblər. (axar.az)
