AZ
RU
.jpg)
İngiltərə dünya çempionatını boykot edə bilər
Əgər Avropa Futbol Federasiyaları İttifaqı (UEFA) FİFA-nın dünya çempionatlarını boykot etmək qərarına gəlsə, İngiltərə bu addımı dəstəkləyəcək.
"Xeberinfo.com": Məlumata görə, bunu İngiltərə Futbol Federasiyasının rəhbəri Qreq Dayk Blatterinin növbəti dəfə FİFA prezidenti seçilməsinə münasibət bildirərkən deyib.
«Avropa ölkələrinin əksəкiyyəti və Latın Amerikası ölkələri Blatterin əleyhinə səs verib. Bu iki regiondur və mahiyyətcə elə dünya çempionatıdır. Əgər UEFA Avropa ölkələrinin dünya çempionatında iştirakına qarşı çıxsaydı, biz onu dəstəkləyərdik», - deyə Dayk qeyd edib.
Ancaq o qeyd edib ki, UEFA-nın dünya çempionatını boykot etməyə hazır olduğuna da inanmır.
Dayk həmçinin qeyd edib ki, böyük ehtimalla Blatter beşinci prezidentlik dövründə sona qədər işləməyəcək. Çünki əməlləri aşkara çıxacaq.
azadlıq.info
