AZ
RU
Blatter Rusiyanı "satdı"
“2018-ci il dünya çempionatına ev sahibliyi etmək hüququ gizli razılaşma yolu ilə Rusiyaya verilib”.
"Xeberinfo.com": Məlumata görə, belə bir etirafı FİFA-nın eks prezidenti Yozef Blatter deyib. Britaniyanın “The Financial Times” qəzetinə müsahibə verən Blatter bildirib ki, gizli razılıq FİFA-nın ali rəhbərliyində əldə olunub:
“Gizli razılıq barədə qərarı FİFA İcraiyyə Komitəsi qəbul etməyib. Bu, pərdəarxası qərar idi, hər hansı bir müşavirə də olmayıb. Bütün hallarda bizdən asılı olmayan bu qərar səsvermə nəticəsində iki nəhəng ölkə - Rusiya və ABŞ-ın seçilməsini özündə nəzrdə tuturdu”.
O, qeyd edib ki, razılaşmaya əməl olunmayıb: “ UEFA prezidenti Mişel Platininin öz səsini Qatara verərək 2022-ci il dünya çempionatı ilə bağlı razılaşmanı pozdu və bu da ABŞ-ın qəzəbinə səbəb oldu”
Qeyd edək ki, ABŞ 2022-ci il dünya çempionatına ev sahibliyi etmək arzusunda olub, lakin səsvermədə Qatara uduzub.
.jpg)
