AZ
RU
.jpg)
Daha bir erməni əsgər öldürülüb
Ermənistan İstintaq Komitəsi əsgər Akop Gevorkyanın qətli ilə bağlı cinayət işi qaldırıb.
Xeberinfo.com: Virtualaz.org “Ermənistan xəbərləri”nə istinadən xəbər verir ki, mayın 25-də təxminən saat 15:30-da N hərbi hissəsinin tibb məntəqəsinə müddətli hərbi qulluqçu, serjant Akop Gevorkyan döş qəfəsindən aldığı bıçaq yarası ilə daxil olub. “Mehri” tibb mərkəzinə gedən yolda əsgər dünyasını dəyişib.
Baş vermiş hadisənin təfərrüatları araşdırılır.
İlkin istintaqın gəldiyi nəticəyə görə, A.Gevorkyanla əsgər Q.Kosoqoblyan arasında münaqişə baş verib. Münaqişə davaya keçib və bu əsnada Q.Kosoqoblyan A.Gevorkyana kəsici-deşici alətlə zərbə endirib.
Xuliqanlıq zəminində qətl törətməkdə ittiham olunan Q.Kosoqoblyan mayın 26-da saxlanılıb.
