AZ
RU
Yenixeber.org: Bu barədə Almaniyanın müdafiə naziri Boris Pistorius məlumat verib.
"Sonuncu görüşümüzdən bəri, avqust ayında vəd edilmiş iki “Patriot” sisteminin, eləcə də doqquzuncu “Iris-T” sisteminin təhvil verilməsi də daxil olmaqla, Ukraynanın hava hücumundan müdafiəsini gücləndirmişik", - Pistorius deyib.
O bildirib ki, “Patriot”ların təhvil verilməsi Norveçin iştirakı ilə həyata keçirilib.
Nazir həmçinin bildirib ki, 2026-cı ildə Almaniya Ukraynanın hava hücumundan müdafiəsini gücləndirmək üçün arsenalından xeyli sayda AIM-9 “Sidewinder” raketi təhvil verəcək.
Bundan əlavə, Almaniya NATO-nun Ukrayna üçün ABŞ-dan silah almağı nəzərdə tutan “Purl” proqramı üçün əlavə 200 milyon dollar ayırıb.
