Rusiya prezidenti Vladimir Putin Ukraynadakı neonasizmlə bağlı danışıb. O, Ukrayna lideri Vladimir Zelenskiyə xitab etdiyini xatırladıb.

Yenixeber.org xəbər verir ki, Putin bu barədə amerikalı jurnalist Taker Karlsona müsahibəsində bildirib

– Deyirəm, Volodya, nə edirsən? Atanız faşizmlə mübarizə apardığı halda, siz niyə bu gün Ukraynada neonasistləri dəstəkləyirsiniz, – Putin Zelenskiyə müraciət edərkən deyib.

Rusiya lideri V.Zelenskinin atasının İkinci Dünya Müharibəsi zamanı nasist Almaniyasına qarşı vuruşduğunu vurğulayıb

Rusiya rəhbəri əlavə edib ki, Ukrayna prezidentinin nə cavab verdiyini deməyəcək, çünki bu, onun səhvi olardı.

Putinin sözlərinə görə, Zelenski hakimiyyətə gəldikdən sonra iki şeyi dərk edib: birincisi, neonasistlərlə və millətçilərlə toqquşmamaq daha yaxşıdır, çünki onlar aqressivdirlər; ikincisi, ABŞ başda olmaqla Qərb Ukraynanı və Rusiyaya qarşı çıxanları dəstəkləyəcək, çünki bu, sərfəli və təhlükəsizdir.

Karlsonun Putinlə müsahibəsi fevralın 9-da dərc olunub. Amerikalı jurnalist Rusiya Federasiyasının prezidenti ilə söhbət etmək üçün Moskvaya səfər edib. Taker Karlson hesab edir ki, Ukraynadakı münaqişə bəşəri fəlakətdir. Amma o, əmindir ki, buna baxmayaraq, ingilisdilli ölkələrin əhalisinin bu barədə heç nə bildiyi kimi görünmür, çünki Qərb mediası bütün həqiqəti üzə çıxarmır.

Ağ Ev “Fox News” telekanalının keçmiş aparıcısının Putindən müsahibə almasına tənqidi reaksiya verib və qeyd edib ki, Ukraynadakı müharibəyə haqq qazandırmaq üçün Kreml rəhbərinə başqa mikrofon təqdim etmək lazım deyil.

Yeri gəlmişkən, Karlson Zelenskini də müsahibəyə dəvət edib.