Bu gün Xankəndinin mərkəzində bir qrup ermənilər aksiya keçirməyə cəhd ediblər.

Yenixeber.org: Aksiya Xankəndi və ətrafında yaşayan ermənilərin sayı, eyni zamanda “humanitar fəlakət” yalanlarını tam şəkildə ifşa edir.

“Aksiyaya” toplaşanlar saylarının həddən artıq az olduğunu və heç bir diqqət çəkmədiklərini görərək, aksiyanı başqa günə təyin ediblər.

Buna baxmayaraq, bugünkü aksiya cəhdi ilə ermənilər özlərini ifşa etmiş oldular. Bəlli oldu ki, Laçın yolundan qanunsuz daşımalar olmadığı halda Xankəndidə hansısa “irimiqyaslı aksiya” keçirmək mümkün deyil.

Xankəndi və ətrafında bir ovuc erməni icması yaşayır və onlar da hər hansı “humanitar fəlakətlə” üzləşməyiblər. Çünki yol humanitar yüklər və sadə insanlar üçün açıqdır. Əgər hər hansı “humanitar fəlakət” olsaydı, heç olmasa, bugünkü aksiyaya orda olan-qalan ermənilər toplaşardı.

Xatırladaq ki, aksiyadan nə video, nə də geniş fotoşəkillər paylaşılıb. Yalnız bir kiçik foto yerləşdirilib. Amma bu foto da “aksiya” haqda təsəvvür üçün kifayətdir.