AZ
RU
Səhər saatlarında İrəvan QARIŞDI -müxalifət mərkəzi küçələri bağladı
Bazar ertəsi səhər saatlarında Ermənistanın müxalifət qüvvələri baş nazir Nikol Paşinyanın istefası tələbi ilə İrəvanın mərkəzi küçələrini bağlayaraq genişmiqyaslı etiraz aksiyalarına başlayıb.
Yenixeber.org: Bildirilib ki, etiraz aksiyaları televiziya kanallarında real vaxt rejimində yayımlanır.
Hazırda Myasnikyan, Heratsi, Qnuni, Vardanans küçələrinin mərkəzi prospektləri və digər yerlər bağlanıb, böyük tıxac müşahidə olunub.
Xüsusi təyinatlı polis qüvvələri paytaxtın mərkəzi küçələrini bağlayan müxalifət fəallarını saxlamağa başlayıb.
Son məlumatlara görə, hüquq-mühafizə orqanlarının əməkdaşları mərkəzi küçələrin bir hissəsinin blokunu açmağa müvəffəq olub, həmin küçələrlə avtomobillərin hərəkəti bərpa edilib.(TASS)
