AZ
RU
Ukrayna Silahlı Qüvvələri ilə döyüşlərdə əhəmiyyətli itkilərdən sonra Rusiya Federasiyası Qara Dəniz Donanmasının hərbçilərinin bir hissəsi döyüşməkdən imtina edib.
Yenixeber.org: Bu barədə Baş Qərargahın yaydığı məlumatda bildirilir. Baş Qərargah Ukrayna Silahlı Qüvvələri ilə döyüşlər nəticəsində əhəmiyyətli itkilərdən sonra Qara Dəniz Donanmasının hərbçiləri arasında döyüşdən kütləvi imtina halları barədə məlumat yayıb.
Beləliklə, Qara Dəniz Donanmasının 126-cı Sahil Müdafiə Briqadasının itkisi 75%-ə qədərdir.
Qara Dəniz Donanmasının 810-cu Əlahiddə Dəniz Briqadası 158 hərbçini itirib, 500-ə yaxın yaralanıb, 70 nəfər itkin düşüb.
Baş Qərargah qeyd edir ki, bu briqadaların hərbçilərinin əhəmiyyətli hissəsi “xüsusi əməliyyat” adlanan əməliyyatda iştirakdan imtina etdikləri barədə hesabatlar yazıblar.
Daha əvvəl Qərargah bəyan etmişdi ki, Ukraynadakı bütün Rusiya dəniz briqadaları itkilər verib.
