Ukrayna Müdafiə Nazirliyi ölkədəki durumla bağlı operativ məlumat yayıb.

Yenixeber.org: Qurumdan Rusiya qoşunlarının genişmiqyaslı silahlı təcavüzünün davam etdiyi bildirilib.

“Rusiya hərbçiləri Slobojan istiqamətində hərəkət etmək üçün hücum qoşunları qrupu yaratmağa davam edir. Yəqin ki, yaxın günlərdə onlar yenidən hücuma keçməyə çalışacaqlar. Bundan əlavə, qarşı tərəf Ukraynada döyüş əməliyyatlarında iştirak etmək üçün şəxsi heyət, silah və texnikanın hazırlanması və göndərilməsini davam etdirir. Şərq Hərbi Dairəsinin 5-ci ümumqoşun ordusunun 60-cı ayrı-ayrı motoatıcı briqadasının daimi dislokasiya məntəqəsində silah və hərbi texnika toplanır. Çox güman ki, bu silahlar Donetsk vilayətinin müvəqqəti işğal olunmuş ərazisinə aparılacaq. Həmçinin Şərq Hərbi Dairəsinin 29-cu Ümumhərbi Ordusunun 36-cı əlahiddə motoatıcı briqadasından (Borzya, Zabaykalya vilayəti) tabor taktiki qrupunun itkilərinin bərpası məqsədilə briqadadan yeni çağırışçılar qəbul edilir. Seçilmiş heyətin daimi dislokasiya məntəqəsindən yola salınması bu il aprelin ikinci yarısına planlaşdırılır. Rusiyanın Ukraynanı qonşu dövlətə təcavüzdə ittiham etməsi üçün Moldovanın Dnestryanı regionunda təxribat törətməsi mümkündür. Çox güman ki, qarşı tərəf hərbi əməliyyatların aparıldığı yerlərə təminata mane olmaq məqsədilə Ukraynanın nəqliyyat infrastrukturu obyektlərini məhv etmək istəyəcək”.

Nazirliyin rəsmi informasiyasına əsasən, Belarus Silahlı Qüvvələrinin müəyyən hissəsi Brest və Qomel vilayətlərində Ukrayna-Belarus sərhədinin mühafizəsinin gücləndirilməsini davam etdirir:

“Şimal Donanmasının 6-cı Ümumqoşun və Sahil Qoşunları Xarkov şəhərini qismən mühasirəyə almaqda davam edir, şəhərin bəzi ərazilərində artilleriya atəşi davam edir. Ukrayna Silahlı Qüvvələrinin mövqelərinin müəyyən edilməsi məqsədilə İzyum istiqamətində ərazinin havadan kəşfiyyatı aparılır. Bunun üçün rusiyalı hərbçilər “Orlan-10” PUA-sından istifadə edirlər. Onlar iki tabor taktiki qrupunun köməyi ilə Dovqenke və Dmitrivka yaşayış məntəqələri istiqamətində hücuma keçməyə cəhd göstərmişdi. Lakin, bu, uğursuz oldu. Və rusiyalı hərbçilər əvvəlki mövqelərinə çəkiliblər. Qarşı tərəf Donetsk istiqamətində Popasna, Rubijne, Nıjne və Novobahmutivka yaşayış məntəqələrini nəzarətə götürmək, həmçinin Mariupol şəhəri üzərində tam nəzarəti təmin etmək istəyir. Mariupol şəhərində artilleriya və aviasiya vasitələrinin dəstəyi ilə işğalçı qüvvələr “Azovstal” zavodunun ərazilərinə və dəniz limanına hücumlarını davam etdirirlər. Onlar Vısokopilya, Trudolyubivka və Maryanske yaşayış məntəqələri rayonlarında qoşunlarımızın mövqelərini artilleriyadan atəşə tutub”.

Qeyd olunub ki, son sutkada Rusiyanın 5 tankı, 8 zirehli texnikası, 6 maşını və 8 artilleriya sistemi məhv edilib.