Fransada prezident seçkilərinin “exit-poll” nəticələrinə görə, Makron 28 faizlə birinci, Le Pen 24 faiz səslə ikinci olub: heç bir namizəd 50 faizi keçə bilmədiyi üçün seçkilərin ikinci turu keçiriləcək;

Yenixeber.org: Makronun reytinqinə təsir edən, həm də ilk turu ikinci tamamlayan Le Pen də daxil olmaqla radikal sağçıların geri düşməsinə səbəb olan əsas amillərdən biri  Ukrayna müharibəsi – Rusiyanın Avropaya təhlükəsi oldu. Eyni səbəb ikinci turda da Makronun seçiləcəyi ehtimalını gücləndirir, xüsusilə Le Penin “prezident seçilsəm, NATO-dan çıxacağıq” sözləri bu nəticəyə təsir edə bilər.

Azərbaycanın maraqları baxımından dəyişən heç nə yoxdur. Namizədlərin hamısı erməni maraqlarına xüsusi önəm verirlər, hətta Makron digərlərinə nisbətən daha “loyal” görünür. Erik Zemmur Ermənistana, Valeri Pekress Xankəndiyə səfər etmişdi, ikinci turda yarışacaq Le Pen “miatsumu” – “Qarabağın Ermənistana birləşdirilməsi” ideyasını dəstəkləyənlərdəndir.

Seçkinin nəticələri arasında ən maraqlı detal Azərbaycana hücum edən Pekressin cəmi 5 faiz səs toplamasıdır. Xanım namizədi gizli şəkildə Xankəndiyə səfər etmək, separatçı-terrorçu rejimə dəstək vermək, seçki kampaniyasını fransızlardan daha çox ermənilərin maraqları üzərində qurmaq xilas etmədi.