Ukraynanın Rusiyanın mümkün işğalına qarşı ən böyük strateji kozırı Türkiyədən satın alınan “Bayraktar” pilotsuz uçan aparatlarıdır.

 Yenixeber.org: Bu barədə Amerikanın “Defence One” nəşri yazıb.

“Bayraktar”ların Ukraynanın mühafizəsinin mərkəzində dayandığı bildirilən məqalədə ABŞ-ın da bu strategiyaya davamlı maliyyə dəstəyi verməsi lazım olduğu vurğulanıb.

Nə ABŞ-ın, nə də Avropa Birliyinin sərhəddə qoşun toplayan Rusiyanı geri çəkə bilməyəcəyi qeyd edilən məqalədə deyilib ki, türk PUA-ları keçən il Qarabağda 44 gün davam edən Azərbaycan-Ermənistan savaşında nə qədər təsirli olduqlarını sübut ediblər.

Bundan əvvəl Rusiya müdafiə nazirinin müavini Aleksandr Fomin deyib ki, NATO-nun Rusiya ilə irimiqyaslı silahlı qarşıdurma hədəfi var.

Ukrayna gərginliyinin müzakirə ediləcəyi kritik sammitin qrafiki də müəyyənləşib. Rusiya yanvarın 10-da ABŞ-la, 12-də NATO ilə danışıqlara başlayacaq. Avropa Birliyi ilə geniş toplantı isə yanvarın 13-də keçiriləcək.

Yayımlanan yeni peyk görüntüləri Rusiya-Ukrayna sərhədi yaxınlığında əlavə qoşun və hərbi texnikaların yerləşdirildiyini göstərir. Görüntülərdə piyadaların döyüş maşınları, tanklar, artilleriya və hava hücumundan müdafiə vasitələrinin Krımın Bağçasaray şəhərinə hərəkəti əks olunub./teleqraf/