AZ
RU
.jpg)
Saakaşvili dünən Kiyevi tərk edib-sabah meydana çıxacaq
Xatırladaq ki, cümə günü səhər Saakaşvili “Facebook” vasitəsilə artıq vətəndə olduğunu bildirib. "Vahid Milli Hərəkat" Partiyasındakı tərəfdaşları bu məlumatı təsdiqləyiblər. Gürcüstan hakimiyyəti isə bunu təkzib edib. Ölkənin Daxili İşlər Nazirliyi Saakaşvilinin Gürcüstan sərhədini rəsmi qaydada keçmədiyini bildirib.
"Vahid Milli Hərəkat" müxalifət partiyasının üzvü Murman Dumbadze bildirib ki, Gürcüstanın sabiq prezidenti Mixail Saakaşvili oktyabrın 2 -də seçki məntəqələri bağlandıqdan sonra rəsmən ictimaiyyət qarşısına çıxacaq. Bu barədə "Sputnik-Gruziya" yazır.
Xatırladaq ki, Saakaşvili Gürcüstana seçki günü - oktyabrın 2 -də gələcəyinə söz verib və hətta sosial şəbəkədə Kiyev-Tbilisi reysinə biletini göstərib. Ancaq oktyabrın 1-də səhər saatlarında Saakaşvili artıq Gürcüstanda olduğunu bildirərək, Facebook vasitəsi ilə xalqa müraciət edib.
"Onu çox adam dəstəkləyir. Bütün Gürcüstan onu gözləyir və sabah saat səkkizdə Mixail Saakaşvilini rəsmən göstərəcəyik. Bundan əvvəl heç bir şəkildə görünməməlidir. Gürcüstandadır. Batumidədir, sözünə əməl edərək böyük bir açıqlama verib. İndi söz bizdədir", - Dumbadze vurğulayıb.
.png)
.jpg)
