AZ
RU
Bu il Həcc ziyarəti baş tutmaya bilər-AÇIQLAMA
Həcc ziyarətinin keçirilməsilə bağlı Qafqaz Müsəlmanları İdarəsinin (QMİ) Səudiyyə Ərəbistanından rəsmi bildiriş gözləməsi barədə deyilənlər həqiqətdən uzaqdır.
Yenixeber.org: Bu barədə QMİ-dən bildiriblər.
“Hələlik Həcc ziyarətinə hər hansı hazırlıqdan söhbət gedə bilməz. Səbəb də budur ki, bütün dünya ölkələri kimi Həcc ziyarətinin məkanı olan Səudiyyə Ərəbistanın da sərhədləri bağlıdır. Bu hal aradan qaldırılmayana kimi Həcc ziyarətinin təşkili barədə danışmaq əsassız görünür”, - mənbə bildirib.
2020-ci ildə pandemiya səbəbindən Həcc ziyarəti baş tutmamışdı. Sadəcə, Səudiyyə Ərəbistanı vətəndaşı olan bir neçə yüz nəfər iştirak etmişdi.
2019-cu ildə isə 3 mln. nəfər Həcc ziyarətinə gedib.
(29).jpg)
