AZ
RU
Ermənilər Kəlbəcərdəki Zod qızıl mədənini mənimsəməyə çalışırlar-FOTO
Yenixeber.org: İnternetdə və Ermənistan KİV-lərində Kəlbəcər və Ermənistanın Vardenis rayonu arasında “sərhədin bağlanmasını” əks etdirən foto və videogörüntülər yayılıb. Ermənistan tərəfi burada yolda metal darvaza quraşdırıb və onu qırmızı rəngə boyayıb. Amma bu yer Azərbaycan və Ermənistan arasındakı real dövlət sərhədindən xeyli uzaqdadır.
Ermənilər hələ Sovet dövründə respublikalar arasındakı sərhədin keçdiyi Zod qızıl mədənini mənimsəmək üçün qəsdən sərhədi Azərbaycanın Kəlbəcər rayonu ərazisinin dərinliyinə doğru çəkiblər.
Mədənin təxminən 70%-i Azərbaycanda yerləşir və sərhədi çəkmək cəhdləri Ermənistanın 9 noyabr tarixli üçtərəfli sazişi pozması deməkdir, bu da münaqişənin bərpasına gətirib çıxara bilər.
Bu gün Azərbaycan qoşunları Kəlbəcərə daxil olublar və dövlət sərhədinə doğru irəliləyirlər. Onlar yaxın zamanda Zod yatağı ərazisində olacaqlar.
