AZ
RU
"Nağıla dönür" -Təranə Şəms
Alovdur, atəşdir ömrün baharı,
Yol tutub, yol gedər ömrün qatarı.
Ətrafı yandırar bu atəş, bu od,
Zər üstə zər qoyar ömrün caharı.
Sevərsən ürəyin məşələ dönər,
Eşqinin sədası mənşərə dönər,
Leylitək sevdalı olarsan aşiq,
Qaranlıq sabahın zəhərə dönər.
Yamanca tez solur gəncliyin bağı,
Yandırır sinəni çat verir dağı.
Xəyala həkk olur yaddan çıxmayır,
Gözündə canlanır o bahar çağı.
Ömür axıb gedir zaman bitməmiş,
Gözünü açmamış, aman verməmiş.
Hər gələn payızın səndən söz edər,
Solmayan bağından bir yarpaq gedər.
Büdrəyən ayağa daş ilişəndə,
Həyatın səninlə hey çəkişəndə,
O ömür yolların gözünə durur,
Bitməyən keçmişin, başına vurur.
Məhəbbət vədəsiz nağıla dönər,
İllərin çırağı bir şamtək sönər.
Görünər gözünə qara kölgələr,
Köksündə yer edər yara övkələr.
Dilində dolaşar, bir iz görünər,
Qarşında əyilən bir diz görünər,
Addımlar tələsər gedər-gəlməzə,
Ömürdü vəfasız, gülər baməzə.
