Yenixeber.org:

1-ci hissə

Axtarıb gəzdiyin zaman yetişib,

Talayıb, dağıtmaq olar ay Şəmil.

Oğrular sənətdə kamil yetişib,

Sərəncam başçıdan vardır ay Şəmil.

Mürdəşir tapılsa leşin sevinər,

Kəfənlik satılsa dostun sevinər,

İşsiz məzar daşı yonan sevinər,

Cibinə dollarlar düşər ay Şəmil.

Məzarın qazılsa daşa çıxacaq,

Baş daşın çatlayıb çınqıl olacaq,

Gor eşən qəbrində yuva salacaq,

Gorbagor olmağa şans var ay Şəmil.

Həyasız, quduzluq işə düşübdü,

Uçotsuz sanksiya dəbə düşübdü,

Fürsət ələ keçib məqam düşübdü,

Rüşvəti çuvalla yıxşır ay Şəmil.

“İdarə” borcludur yetmiş beş milyon,

Cərimə üstündə bir neçə milyon,

Oğurluq enerji on miyon, milyon,

Gəlirlər mayanı yeyir ay Şəmil.

Hansı gəda sənə ixtiyar verib,

Hansı ğədə sənə imtiyaz verib,

Hansı oğrubaşı sərəncam verib,

Əsassız təftişə bir-bir ay Şəmil?

Alkaşlıq peşəndən canın fit verir,

Mundarlıq, söyüşdən ağzın iy verir,

Satdığın “ELM YURDU” ölüb can verir,

Bir kəs də dadına çatmır ay Şəmil.

2-ci hissə

Latunlu trubalar on iki sayda,

Gözətçi əliylə buxarlanıbdır.

Muzeydən yadigar qızıl əşya da,

Sən şefin cibinə yollar tapıbdır.

Məskoda haxcığın ahu-zardadır,

Gözləyir gözəlin gözü yoldadır.

Dövlətin kassası göy göz yardadır,

Peşakar oğrular, pullar burdadır.

İyləndin. Bir azdan küləyə basdın:

-“BİLGİ”-də intizam qırx faiz oldu.

Bir gecə kassanı söküb dağıtdın,

“Qayda”da intizam nol faiz oldu.

Dövlətin icarə haqqını daim,

Rüşvəttək qatlayıb cibinə qoydun.

Quyunu qazıdın Şefinə daim,

Şərəftək töhməti boynuna qoydun.

Yüz on min dolları haradan yığdın,

Bunu Tanrı bilir, bir də “Qayda”nın,

Cütüynən “Linkoln”u kimlərdən aldın,

Ünvanı çəkibdir lentə “Qayda”nın.

2002-ci il