Yenixeber.org: Lüğətdə ilahə- qadın Allah, sənəm, dilbər, şeir pərisi kimi izah olunur

 Olanı görməsəm gözdən olaram, 

Düzünü deməsəm dildən olaram,

Gözəli seçməsəm dərkdən olaram,

Baş əyib varlığa düzü yazılır:-

Elində şəriksiz sən İlahəsən .

Butasan hələlik açılmamısan,

Körpəsən neyləyək dərilməmisən, 

Kövrəksən yaxaya sancılmamısan,

Ümidli bəyimə dilək yazılır:-

Vətəndə qüsursuz sən İlahəsən.

Atanın-Ananın adil fəxrisən,

Zamanın gücüsən, zamin qüvvəsən, 

Haraya çatansan,murad verənsən,

Qayğıkeş ünvana xilqət yazılır:-

Vuruşda amansız sən İlahəsən.

Mənəvi əxlaqın qaydasındadır,

Əzəli saflığın mayanızdadır, 

Dərinli anlaqın sayqınızdadır,

Saflığın yolunda xəbər yayılır:-

Sınaqda münsifsiz sən İlahəsən.

Ümidsiz insana ilham verənsən, 

Xalq ücün çətində candan keçənsən,

Həqiqət naminə risqə gedənsən,

Tanınmış Bəyimə uğur yazılır:-

Xidmətdə seçimsiz sən İlahəsən.

Dərkində dərinsən, söz eşidənsən,

Unutqan deyilsən qədir bilənsən, 

Vətənçün dəyərsən, milli sərvətsən,

Surətin görünmür dastan yazılır:-

Zəhmətdə biçimsiz sən İlahəsən.

Tək Bəyim çağrışnan hörmət taparsan,

Şöhrətli adlarla ömür sürərsən, 

Pərişan olmazsan nurla yaşarsan,

“Ölümü öldürüb” ad, san qazanır:-

Ölkədə oxşarsız sən İlahəsən.

Bənzərin vardırmı varlı diyarda?

Oxşarın olarmı cəmi məkanda? 

Surətin qalıbmı poemalarda?

Var olan həqiqət saytda yazılır:-

Önəmdə sorğusuz sən İlahəsən.

Kicik arayış: Lüğətdə xilqət-yaratma, yaradılış, mentalitet; anlaq-düşüncə, dərrakə; sayıq-gözüaçıq, ehtiyatlı, hər şeyə diqqət yetirib izləyən, sayıqlıq; nur-aydınlıq, işıq, parlaqlıq, Quran surələrindən birinin adı; önəm-əhəmiyyət, diqqət, xeyir, fayda

Quliyev Elxan Sarı. 24.07.2018-ci il.