(İçsəs)

 "Xeberinfo.com"

İdrak – qorxduğunu anlamır.

***
Qorxulu olan – idrak üçün anlamsızlıq, anlaşılmazlıq, cəfəngiyyat yaradır.

***
Qorxulu həqiqət olmur, qorxulu həqiqətsizlik olur.

***
Həqiqətdə qorxu ölür, həqiqətsizlikdə qorxu dirilir.

***
Qorxuda idrakın yolu həqiqətə qapanır, həqiqətsizliyə açılır.

***
Cəfəngiyyat – anlaşılmadıqca qorxu yaradan.

***
Həqiqət – anlaşıldıqca qorxmazlıq yaradan.

***
Anlaşılmazlıq – yalançı idraki dərinlikdir: idrak üçün anlaşılmayan nəsə yoxdur.

***
Cəfəngiyyat dayazlığını ötməyən – həqiqət dərinliyinə yetə bilməz.

***
Həqiqət idrakı aydınlığa çıxarır, cəfəngiyyat idrakı qaranlıqda saxlayır.

***
Qorxudan – qorxaqdır, qorxudandan qorxan – ikiqat qorxaqdır.

***
Dünyadakı bütün həqiqətləri insan özü yaradıb.

***
İnam – məna yaradır, inamsızlıq – mənasızlıq.

***
Hərə həqiqəti bir cür anlayır, ona görə hərə həqiqəti bir cür obrazlaşdırır.

***
Allah dində, Mütləq isə inamda həqiqətin ən ali obrazıdır.

***
Həqiqəti obrazlaşdırmadan ona inanmaq olmaz.

***

İnam Ata həqiqəti Mütləq adıyla obrazlaşdırdı.

***
Qorxu – yalvarış, yaltaqlıq yaradır.

***
Nəyə inanırıqsa – onu obrazlaşdırırıq.

***
Cəfəngiyyat – idrakın tələsidir.

***
 

Atamız var olsun!

Yolruh ATALI

16 Söngü 36-cı il.

(16.8.2014).