AZ
RU
Acıdan çıxmaq
Acıdan çıxmaq
"Xeberinfo.com":
İnsanın inamsızlıq ehtiyacı yoxdur – inam ehtiyacı var.
***
İnamsızlıq ehtiyacdan yaranmır, həqiqətsizlikdən, mənasızlıqdan yaranır – inam ehtiyacı yaradır.
***
Böyük əzabı görməyən böyük fərəhə yetə bilməz.
***
Bütün ağrı-acılar ölümü, bütün fərəhlər ölümsüzlüyü soraq verir.
***
Ağrı-acıda, iztirabda ölüm, fərəhdə yaşam imkanı var.
***
Bütün acılar, iztirablar ölüm qorxusu yaradır.
***
Ağalıq – qorxunun gücə çevrilməsidir.
***
Köləlik – qorxunun gücsüzlüyə çevrilməsidir.
***
Məna uydurulmur, mənasızlıq uydurulur.
***
Çevik həqiqət olmur, çevik yalan olur.
***
Yaşamın gerçəkliyi ilə uyum tapan – ağrı-acıya, iztiraba düşür.
***
Yaşamın anlamı ilə uyum tapan – iztirabdan çıxır, fərəhə yetir.
***
Atamız var olsun!
Yolruh ATALI
31 Söngü 36-cı il.
(31.8.2014).
