AZ
RU
Bir aha döndü
Daş oldun başıma ey qara günüm,
İllərlə əzildim, köksüm yaralı,
Çəkirsən sən məni hey dara, günüm,
Sevincim, gülüşüm, məndən aralı...
Özümü görmədim məhəbbətində,
Hissimi, duyğumu ayaqlayırsan.
Bilirsən, yox oldun həqiqətində,
Məni, sən yalanla dayaqlayırsan...
Eşqinlə yaşadım,- sevdim, sevildim,
Sarıldın ruhuma bəxtəvər oldum,
Bəs niyə, özümdə gömdüm, gömüldüm,
Hər yalan sözündən, bixəbər oldum.
Həyatın çoxlardan bircəcik quşu,
Nəfəsi niyə bəs bir aha döndü.
Könlünün incədən incəcik quşu,
Sevgisiz yuvaya nədən bəs döndü?!...
Eşqsiz ürəkləri nifrət şum edər,
Bitməyən toxumu torpaq çürüdər.
Sevən bir ürəyi sevgi mum edər,
Hər kəsin dərdini torpaq üyüdər.
Təranə Şəms.23.11.2017
.jpg)
