AZ
RU
Düşünmə qeyri
Dur,- eşit səsimi dinlə ney kimi,
Süzülsün badənə meyxoş mey kimi.
Qoy səsim titrətsin daş ürəkləri,
Özümə baxım mən, donub key kimi.
Dəli bir bəstəni dinlədim başda,
Sussam da duyuram hər gözdə, qaşda.
Ruhuma yayıldı notların sayı,
Sözləri başqadır, səsləri başqa.
Yerini rahat et, oturma əyri,
Özünü özgə gör, düşünmə qeyri.
Hesabı çirklənmiş əllər çəkəndə,
Sol, vuran qiymətin olarmı xeyri?!...
Sözümün ritmini tutsan bilərsən,
Məndə, mən yoxamsa kimə gülərsən?
Hesabda kök altda oturan insan,
Sıfırdı qiymətin hardan görərsən!!!....
Təranə Şəms.29.09.2017
.jpg)
