AZ
RU
Günahlar sırayla üzündən ÖPƏR
Ən böyük vəhşidir yaranmış insan,
Rəhmi yox, öldürür iti, pişiyi.
Unudub bilməyir günahı san- san,
Saymayır, eşitmir böyük, kiçiyi.
*****
Heyvanın haqqı var, bizimki qədər,
Yaratdı onları bizi yaradan.
Baxsana, gözündə, üzündə kədər,
Allahım, seç özün ağı, qaradan...
*****
" Uyutmaq" "Öldürmək" eyni deyilmi?
Ey insan bu haqqı kim verdi sizə?...
Seyr edib baxırsan, gözəl seyirmi?!
Ayıl sən, bu günah nə verdi sizə!
*****
" Sosial" şəbəkə zar- zar ağlayır,
Bitməyib insanlıq imdad diləyir.
Nədir bu, insanlar niyə çaşıbdır,
Bir canlı gözünü bizə zilləyir...
*****
O böyük ölkənin sahibi yoxmu?
Hardadır Ərdoğan bir dillənsənə!
Əmir ver dayansın bu soyqrımlar,
İmza at ayılsın cana qıyanlar...
*****
Allahın qəzəbi üstünə çökər,
Zəlzələ, vəlvələ silkələr səni.
Başına göylərdən daşları tökər,
Günahlar sırayla üzündən öpər.
*****
Allahın qəzəbi rəhmindən ağır,
Qəzəbi tutarsa, bir "Ol" söyləyər.
Tövbə et bir anda Allahı çağır,
Pislərin içində yanacaq fağır...
*****
Doyurun qarnını o dilsizlərin,
Onların dili yox, möhtacdır bizə.
Cəzasın ver Allah, bu dinsizlərin,
Tapmayıb bir loxma düşsünlər dizə...
20.06.2024.Təranə Şəms
