AZ
RU
UYUYAN ŞƏHİD
"Xeberinfo.com":
Güllələr köksündə, qovrulan Şəhid,
Sevgisi nifrətlə, yoğrulan Şəhid,
Ananın qucağı, məkanın Cənnət,
Qəlbində Vətənlə, uyuyan Şəhid!
Qanının damlası, QEYRƏT toxumu,
Vətənin, daşında torpaqda bitər,
Vüqarın əyilməz,düşmən önündə,
Düşmənə nifrətin, qanınla itər.
Analar, analar ağlamayın siz,
Dağlanan ürəyi, dağlamayın siz.
Min səvab aparır, hər gedən Şəhid,
Daşlara qaralar, bağlamayın siz!
Qoy Şəhid balanı, elin ağlasın,
Balalı balana, gəlin ağlasın.
Bağban ol, bir gül ək, Şəhidlik gülü,
Buludlar ağlasın, selin ağlasın!
Pənahı Allaha, adıyla gedər,
Zirvəsi Şəhidlik, qanıyla gedər.
Şəhidlər ölməz ki, yaşar zamanla,
Deyilən kəlamın, dadıyla gedər.
TƏRANƏ ŞƏMS.
.jpg)
