AZ
RU
Ağdamın işğal günü aksiya ilə anıldı
"Xeberinfo.com": İyulun 23-də Qarabağ Azadlıq Təşkilatının (QAT) üzvləri Ağdamın işğal günü ilə bağlı Şəhidlər Xiyabanını ziyarət ediblər. Ziyarət zamanı torpaqlarımızın və müstəqilliyimizin uğrunda şəhid olan bacı və qardaşlarımızın ruhlarına dualar oxunub, məzarlarının üstünə güllər qoyulub. Tədbir iştirakçıları həmçinin Türk Şəhidliyi abidəsini ziyarət ediblər. Sonra işğalçı Ermənistana nifrətin, qəzəbin bildirilməsi məqsədilə Ermənistanın bayrağı yandırılıb və tapdalanıb. Ziyarət iştirakçıları düşmənə nifrətlərini bir daha dilə gətirib, düşməni lənətləyiblər. Daha sonra QAT-çılar İkinci Fəxri Xiyabana gedərək orada uyuyan şəhidlərin, o cümlədən Asif Məhərrəmov, Mübariz İbrahimov, Famil Məmmədli və digərlərinin məzarlarını ziyarət ediblər, ruhlarına dualar oxunub, məzarlarının üstünə güllər qoyublar.
