AZ
RU
Kəfən geyinib küçəyə çıxdılar – Səbəb
İndoneziyanın Yava adasında yerləşən Kepuh şəhərində koronavirus tədbirləri çərçivəsində insanların küçəyə çıxmasının qarşısını almaq üçün "Ruhlu çəkindirmək tədbiri" həyata keçirilib.
Yenixeber.org: Kəfən şəklində ağ örtüyə bürünmüş və üzlərini ağ rəngə boyamış şəxslər küçədə yeriyərək insanların evdən çıxmaması üçün çalışırlar. Bildirək ki, bu tədbiri şəhər rəhbərliyi və könüllülər polislə birgə həyata keçirirlər.
"Ruhlu çəkindirmə tədbiri" sosial şəbəkələrdə böyük marağa səbəb olsa da, insanlar tətbiqin gözlənilən effekti vermədiyini deyiblər. Lakin İndoneziya mətbuatında yayılan xəbərlərə görə, bu tədbirdən sonra uşaqların və uşaqlı ailələrin küçəyə çıxmadığı diqqətə çatdırılıb. Qeyd edək ki koronavirus İndoneziyada bugünədək 399 insanın ölümünə səbəb olub. İnfeksiyaya yoluxanların sayı isə 4 min 557 nəfərdir.
