AZ
RU
Həmsədr hökumətin partiyanı parçalamaq istədiyini bildirib
Hökumət bizdən xəbərsiz üzvlərimizlə görüşüb
"Xeberinfo.com": Türkiyədə Xalqın Demokratiya Partiyasının (HDP) kürd əsilli həmsədri Səlahəddin Demirtaş,- “Hökumət məni qarşı-qarşıya gətirmək üçün bəzi təmsilçilərimizlə görüşür”,- deyə qəzəbli açıqlama verib. Musavat.com-un Türkiyə mətbuatına istinadən verdiyi xəbərə görə, Səlahəddin Demirtaş hökumətin bəzi HD-lilərlə ondan xəbərsiz görüşdüyünü açıqlayıb.
“Bəzən bəzi idarəçi yoldaşlarımızla ikitərəfli danışıqlar aparırlar, onlar dövlət və hökumət təmsiçiləridir. Bu xəbərlər mənə gəlib çatır. Partiyanı parçalamaq üçün bunu edirlər. Bəzən də bunlar mətbuat üzərindən baş verir. Yoldaşlarımla məni qarşı-qarşıya gətirən işlər görülür,”- deyə o vurğulayıb.
Mediaya açıqlama verən siyasətçi qeyd edib ki, dövlət onların partiyasına müdaxilə edir: “Bunu edirlər. Bəzən bir dedi-qodunu da ciddi bir xəbər kimi təqdim edirlər. Lakin çox müvəffəqiyyətli deyillər. Ancaq müəyyən mənada onların nail olduqları da var. Çünki müəyyən bir müzakirə partiya içində enerjinin boşa xərclənməsinə səbəb olur”.
.jpg)
