AZ
RU
Ukrayna Rusiyaya olan borcunu ödəməyə başladı
Rəsmi Moskva Ukraynadan qaz borcunun müqabilində 786,4 milyon dollar alıb.
“Xeberinfo.com” Rusiya KİV-nə istinadən xəbər verir ki, bu barədə Ukrayna enerji naziri Yuri Prodan məlumat verib. Məbləğ Rusiya şirkətinin hesabında bu gün daxil olub. Rusiya enerji nazirliyindən isə bildirilib ki, həmin məbləğ Ukraynanın fevral və mart aylarına olan borcudur.
Qeyd edək ki, Rusiya tərəfi aprelin sonlarında Ukraynanın ümumi borcunun 3,5 milyard dollar olduğunu açıqlamışdı. Bundan başqa, may ayında olan qaz borcunu ödəmək üçün Rusiya Ukraynaya iyunun 9-na kimi vaxt verib.
