"xeberinfo.com": “Biz heç kimə Ukraynanın ərazi bütövlüyünə zəmanət verməməliyik. Çünki , biz heç vaxt üzərimizə bu mövzuda məsuliyyət götürməmişik. Biz Ukraynada vəziyyəti stabilləşdirməyin başlıca məqsəd olduğu yönündə çıxış edirik. Kiməsə, nəyəsə zəmanət vermirik”.

Məlumata görə, bu açıqlamanı Rusiyanın baş naziri Dmitriy Medvedev verib. D.Medvedevin sözlərinə görə, Rusiyanın Ukraynanın hansısa bir hissəsini özünə birləşdirmək fikri şayiədir, vəziyyəti Krımla müqayisə etmək isə absurddur. D.Medvedev həmçinin qərb tərəfdaşlarından Ukrayna ilə bağlı zəmanət istəyib: “ABŞ və Avropa İttifaqı daxil olmaqla dialoq üzrə tərəfdaşlarımız bizə zəmanət versinlər ki, Ukraynanın daxili siyasətinə qarışmayacaqlar. Bizim qərb tərəfdaşlarımız bizə zəmanət versinlər ki, Ukraynanı Şimali Atlantika Alyansına birləşdirməyə cəhd etməyəcəklər. Ukraynanın şərqində yaşayan insanlar rus dilində danışmaq hüquqlarından məhrum edilməyəcəklər. Bir dəli “pravıy sektor” gəlib onları doğramayacaq”.