Polşa Senatı Ukraynanın NATO-ya qəbulu ilə bağlı qətnaməni təsdiqləyib. 

Yenixeber.org:İclasda senatorlar qətnaməni yekdilliklə dəstəkləyiblər. 

Bundan əlavə, qətnamədə bildirilir ki, NATO-nun Vilnüsdə keçiriləcək sammiti zamanı Ukrayna “açıq qapı siyasəti ilə bağlı əvvəlki bəyanatlardan xeyli çox” dəstək almalıdır. 

"Bir illik dəhşətli müharibədən sonra biz bilirik ki, Ukrayna Rusiyanın qarşısında dayanaraq Avropanı müdafiə edir və qitəni Şərqdən gələn təcavüzdən qoruyan əsas halqadır. Ukrayna bu gün qeyri-adi döyüş təcrübəsi ilə qitənin ən güclü ordusuna malikdir. Ukrayna ordusu sürətlə NATO avadanlığı ilə yenidən təchiz edilir və Qərb müttəfiqləri arasında onilliklər ərzində işlənib hazırlanmış əməliyyat və taktikalarından istifadə edir. Hazırda onlar NATO ölkələri ilə daha sıx siyasi və hərbi əməkdaşlıq vasitəsilə real dəstəyə ehtiyac duyurlar", - sənəddə deyilir. 

Xatırladaq ki, ötən ilin 24 fevralında Rusiyanın Ukraynaya hücumu nəticəsində başlayan müharibə davam edir. Rusiya Ukraynanın Xerson və Zaporojye vilayətlərini, habelə qondarma "Donetsk XR" və "Luqansk XR" separatçı qurumlarını birtərəfli qaydada ilhaq etdiyini açıqlayıb.