"Xahiş edirəm təqdim etdiyim bu faktlar aidiyyatı üzrə araşdırılsın..."

Yenixeber.org xəbər verir ki, bunu Neftçilərin Hüquqlarının Müdafiəsi Təşkilatına (NHMT) müraciətində SOCAR "Azəriqaz" İstehsalat Birliyinin əməkdaşı Emil Tahirov qeyd edib.

O daha sonra ilginc bir faktı diqqətə təqdim edərək, iddia olunanların gərəkən qurum və şəxslər tərəfindən araşdırılması üçün çağırış edib:

"Cənab Prezidentimizin göstərişi ilə dövlət proqramına uyğun olaraq Muğanlı-İsmayıllı-Qəbələ istiqamətində yollarının yenilənməsi, yəni yolun çəkilişi zamanı "Azəriqaz"ın balansından silinmiş, lakin demontaj olunmamış təqribən 4000P/m 159mm-lik və təqribən 5000P/m 219mm-lik - ümumilikdə 9000P/m borunu Ağsu Regional Qaz İstismarı İdarəsinin rəhbərləri - keçmiş rəis Osman Beybutov və indiki rəis Vəli Sadıqov - ümumi metal dəyəri 200 min manatdan çox olan boruları hara və necə təhvil veriblər?

Təbii ki, bu işdə "Azəriqaz" İB-nin məsul şəxslərinin maraqları olduğu üçün məsələ ört-basdır edilib. (Dia.az)

Necə deyərlər... yağış yağdı çatlar örtüldü..."