AZ
RU
.jpg)
Misir Mərdanovla Elşad Abdullayevdən İLGİNC FIRILDAQ: - Satışa çıxarılan ABU-nun Moskva filialı necə yaradılıb?-ARAŞDIRMA
Yenixeber.org: Fəaliyyəti dayandırılmış Azərbaycan Beynəlxalq Universitetinin (ABU) sabiq rektoru Elşad Abdullayev Universitetin Moskva filialını satmağa cəhd edib.
Əldə etdiyimiz məlumata görə, hazırda Fransada yaşayan Elşad Abdullayev yaxın vaxtlarda ABU-nun Moskva filialını satmaq üçün uyğun müştəri də tapıb. Lakin bundan xəbər tutan azərbaycanlı iş adamları məsələ ilə bağlı rəsmi Bakı və Moskvaya müraciət etdikdən sonra onun bu niyyəti baş tutmayıb.
Qeyd olunur ki, fəaliyyəti dayandırılmış ABU-nun Moskva filialının yerləşdiyi ərazinin ümumi sahəsi bir hektardan çoxdur, tədris korpusunun sahəsi isə 15 sotdur. Bundan əlavə, ABU-nun Moskva filialının yaxınlığında yataqxana da mövcutdur.
Sözügedən filial 2007-ci ildən 2010-cu ilə qədər kaçmiş təhsil naziri Misir Mərdonovun rəsmi məktubu əsasında yaradılıb və filialın yerləşdiyi ərazi Elşad Abdullayevin adına rəsmiləşdirilib.
Daxil olan məlumata əsasən, ABU-nun Moskva filialının inşası təqribən 10 milyon dollara başa gəlib. Rusiyada təhsil ocağı tikmək üçün deklarasiya tələb edildiyini nəzərə alsaq, binanın Elşad Abdullayevin şəxsi vəsaiti hesabına tikilməsi istisnadır. O baxəımdan, Elşad Abdullayev müvafiq deklarasiyanı doldurarkən 3 il ərzində xərclənən pulu Təhsil Nazirliyinin vəsaiti kimi təqdim edib. Məsələdən belə aydın olur ki, Elşad Abdullayev bu işi sabiq təhsil naziri Misir Mərdanovla əlbir görüb.
ABU-nun Moskva filialı ilə bağlı qaranlıq məqamları araşdıran iş adamı Fuad Rzayev Yenicag.az-a geniş açıqlamasında bildirib ki, bu barədə Təhsil Nazirliyinə müraciət edəndə, oradan “keçmiş nazirin zamanında baş verib, bu məsələyə biz qarışa bilmərik” cavabını alıb.
Fuad Rzayevin sözlərinə görə, ABU-nun Moskva filialının satışa çıxarılacağını eşidəndə, Rusiyanın rəsmi orqanlarına məktub ünvanlayıblar. Cavabında isə xəbərdarlıq edilib ki, Azərbaycan dövləti ya gəlib filiala sahib çıxsın, ya da bina söküləcək.
Fransada yaşayan və haqqında “Interpol”un “qırmızı bülleten”ində axşatırışda olduğu deyilən Elşad Abdullayev özü bir neçə dəfə sosial şəbəkədə bildirib ki, Franada, “Interpol”un ofisinin yaxınlığında yaşayır və həmin qurumun nümayəndələri ilə görüşür də.
Əldə olunan məlumata görə, xaricdən Azərbaycan hökumətinin əleyhinə söyüş kampaniyasını körükləyən məhz Elşad Abdullayev olub. O, xaricdə yaşayan azərbaycanlı bloqerləri də bu kampaniyaya cəlb edərək, pul qarşılığında istədiyi şəxsləri söydürüb. Lakin bir müddətdən sonra ya istəyinin baş tutması, yaxud da kampaniyanın nəticəsizliyi səbəbindən bloqerlərin pulunu kəsib. Nəticədə həmin bloqerlər artıq Elşad Abdullayevin özünü hədəf götürüblər.
Xatırlatmaq yerinə düşər ki, 2007-ci ildə Elşad Abdullayev barəsində Azərbaycan Respublikası Cinyət Məcəlləsinin 137.3-cü maddəsi cinayət işi açılıb. Buna baxmayaraq, o, müəmmalı şəkildə ölkəni tərk edə bilib. 14 ildir, barəsində cinayət işi açılan şəxsin hələ də ölkəyə gətirilməməsi isə ciddi sual doğurur.
İş adamı Fuad Rzayev bildirib ki, Elşad Abdullayev mütləq Azərbaycana gətirilməlidir:
“Elşad Abdullayevin əməlləri göz önündədir. Hər kəs onun nələr etdiyini yaxşı bilir. Bu qədər cinayət törətmiş şəxs barəsində ciddi addım atılmayanda, o, bundan daha ürəklənərək, xaricdən Azərbaycan əleyhinə istədiyi kimi çıxışlar edir, müxtəlif bəyanatlar verir. Elşad Abdullayev dövlətin də, ABU-da təhsil alan tələbələrin də pulunu mənimsəyib. Özünə və övladlarına varidat yığıb”.
Qeyd edək ki, Baş prokuror yanında Korrupsiyaya qarşı Mübarizə Baş İdarəsi tərəfindən 2014-cü il iyunun 25-də Cinayət Məcəlləsinin 213.2.2-ci (vergi ödəməkdən yayınma), 308.2 (vəzifə səlahiyyətlərindən sui-istifadə), 311.3.1 (rüşvət alma), 311.3.2, 311.3.3 və 29,312.2 (rüşvət vermə) maddələri ilə təqsirləndirilən şəxs qismində Elşad Abdullayevin istintaqa cəlb edilməsi barədə qərar qəbul edilib.
Barəsində məhkəmənin qərarı ilə həbs-qətimkan tədbiri seçilərək axtarış elan olunmaqla yaxalanması istiqamətində beynəlxalq axtarış tədbirləri həyata keçirilən Elşad Abdullayevin yaşadığı yer bəlli olsa da, bu yöndə heç bir təsirli addım atılmır…(yenicag.az)
Görəsən, niyə?
