AZ
RU
.jpg)
Pekində -hava limanları uçuşları təxirə salıb
Çinin beynəlxalq hava limanları olan Pekin Paytaxt Hava Limanı (Beijing Capital İnternational Airport) və Dasing (Beijing Daxing İnternational Airport) əlverrişsiz havalar üzündən bütövlükdə 600-dək uçuşu təxirə salıb.
Yenixeber.org: Dasing Hava Limanı 246 giriş və çıxış uçuşunu ləğv edib, daha 44 uçuş gecikib. Pekin Paytaxt Hava Limanı isə 349 uçuşu ləğv edib, 130 uçuşun isə vaxtı dəyişdirilib.
“Xinhua” xəbər verir ki, paytaxtda leysan yağışları ilə bağlı ötən gün axşam çərşənbə günü səhər saat 8-dən cümə axşamı saat 8-dək sarı təhlükə elan edilib. Pekin Meteorologiya Rəsədxanasının direktor müavini Yu Bo paytaxt ərazisində 40-80 mm, o cümlədən şəhər ərazisində 50 mm, şəhərətrafı şimal və qərb dağlıq ərazilərində isə 200 mm-dən artıq yağıntı düşəcəyini gözlədiklərini açıqlayıb.
Gözlənilən daşqınlara qarşı sakinlərə evdən mümkün qədər çıxmamaq, tikinti fəaliyyətlərinə ara vermək tövsiyə olunub.
.jpg)
