AZ
RU
Ermənistanda-2 230 uşaqda koronavirus aşkarlanıb
Ermənistanda son sutka ərzində daha 451 nəfərdə koronavirus aşkarlanıb və yoluxanların ümumi sayı 36 min 613-ə çatıb.
Yenixeber.org: Məlumatı Ermənistan Səhiyyə Nazirliyinin Xəstəliklərə Nəzarət və Profilaktikası Milli Mərkəzi yayıb.
Qeyd olunub ki, göstərilən müddətdə həm də 4 xəstə ölüb və infeksiyadan həyatını itirənlərin sayı 692 nəfər olub.
İndiyədək 25 734 xəstə sağalıb. Hazırda Ermənistanda 9 969 aktiv koronavirus xəstəsi var.
Bu arada “Armenpress”Ermənistanda yeni növ koronavirus infeksiyasının aşkarlandığı uşaqların sayını açıqlayıb. Bildirilib ki, iyulun 17-nə olan məlumata əsasən, ölkədə 2 230 uşaqda COVID-19 aşkarlanıb.
Virusun aşkarlandığı uşaqlardan ən balacası 28 günlükdür.
1 134 uşağın vəziyyəti yüngül və orta qiymətləndirilir. Uşaqlardan birinin vəziyyəti son dərəcə ağır, 12 uşağın vəziyyəti isə ağırdır.
İnfeksiyanın aşkarlandığı uşaqlardan 1 231 nəfəri oğlan, 999 nəfəri qızdır.
.jpg)
