AZ
RU
Qonşu ölkədə daha 216 nəfər pandemiyanın qurbanı oldu
Ötən gün Rusiyada daha 6556 nəfərdə koronavirus infeksiyası aşkar edilib.
Yenixeber.org: Məlumatı Rusiyanın Koronavirusun Yayılmasına qarşı Mübarizə üzrə Operativ Qərargahı yayıb.
Bildirilir ki, gün ərzində həm də 216 xəstə vəfat edib.
Beləliklə, Rusiyada infeksiyaya yoluxanların ümumi sayı 654 min 405, ölənlərin sayı isə 9536 nəfərə çatıb. İndiyədək bu xəstəlikdən 422 min 931 nəfər sağalıb.
Hazırda Rusiya xəstəxanalarında 221 min 938 nəfər koronavirus infeksiyasından müalicə olunur.
Xatırladaq ki, Rusiya COVID-19 xəstələrinin sayına görə ABŞ və Braziliyadan sonra dünyada üçüncü yeri tutur.
