AZ
RU
Sumqayıtda yaşayış binasında uçqun olub – yaralananlar var
Sumqayıt şəhərində Qubadlı rayonundan olan məcburi köçkünlərin məskunlaşdığı ikimərtəbəli yaşayış binasında beton plitə uçub.
Yenixeber.org: Hadisə şəhərin 12-ci mikrorayonunda, Çerkassı küçəsində baş berib.
Hadisə nəticəsində 2 nəfər xəsarət alıb. Xəsarət alanlar 1970-cü il təvəllüdlü İdrak Hüseynov və 1967-ci il təvəllüdlü Gülxanım Cəfərova xəstəxanaya aparılıb. Əraziyə xilasedicilər cəlb edilib və hazırda təxliyə işləri aparılır.
Hadisənin səbəbləri araşdırılır.
***
Hadisə zamanı dağıntılar altında daha 3 nəfərin qaldığı bildirilir.
Əraziyə Fövqəladə Hallar Nazirliyinin xilasediciləri cəlb edilib və hazırda təxliyə işləri aparılır. Bildirilir ki, ərazidən 4-ü azyaşlı olmaqla, 5 nəfər təxliyə olunub.
Hadisə yerinə həmçinin hüquq-mühafizə orqanlarının əməkdaşları və Qubadlı Rayon İcra Hakimiyyətinin nümayəndələri gəlib.
.jpg)
