AZ
RU
Fransada ötən sutkada 544 nəfər pandemiyanın qurbanı olub.
Yenixeber.org: “RİA Novosti” xəbər verir ki, bu barədə ölkə Səhiyyəsi Baş idarəsinin direktoru Jerom Salomon keçirdiyi brifinqdə bildirib.
Onun sözlərinə görə, ölkədə virusdan ölənlərin sayı 21 340-a yüksəlib.
“Xəstəxanalarda epidemiyanın başlamasından bəri 13 236 nəfər ölüb, onların 80% -i yaşı 75-dən yuxarı olan insanlardır. Qocalar evlərində, digər tibb və sosial müəssisələrdə isə 8 104 nəfər pandemiyanın qurbanı olub. Ölkədə ümumilikdə koronavirusdan 21 340 şəxs dünyasını dəyişib”, - o deyib.
Xatırladaq ki, koronavirus infeksiyası ötən ilin dekabrında Çinin Uhan şəhərində yayılmağa başlayıb. Hazırda virus 210 ölkə və bölgədə qeydə alınıb.
Dünyada koronavirus infeksiyasına indiyədək yoluxanların sayı 2 604 000-i ötüb. Bunların 712 260 nəfəri sağalıb, 181 418 nəfəri isə ölüb.
Ümumdünya Səhiyyə Təşkilatı (ÜST) fevralın 11-də infeksiyanın adını COVID-19 qoyub, martın 11-də isə koronavirusu pandemiya elan edib.
.jpg)
