AZ
RU
İsveçdə-koronavirusdan ölənlərin sayı 1 500-ü keçdi
İsveçdə ötən sutka ərzində daha 111 nəfər koronavirusun qurbanı olub.
Yenixeber.org: Bunu ölkənin Səhiyyə və Sosial İşlər Nazirliyi açıqlayıb.
Məlumata görə, eyni dövr ərzində Skandinaviya ölkəsində daha 606 nəfərdə koronavirus aşkarlanıb.
Beləliklə, İsveçdə koronavirusdan ölənlərin sayı 1 511-ə, qeydə alınan yoluxanların sayı isə 13 822-yə çatıb.
Xatırladaq ki, koronavirus infeksiyası ötən ilin dekabrında Çinin Uhan şəhərində yayılmağa başlayıb. Hazırda virus 210 ölkə və bölgədə qeydə alınıb.
Dünyada koronavirus infeksiyasına indiyədək yoluxanların sayı 2 269 000-i ötüb. Bunların 582 211 nəfəri sağalıb, 155 206 nəfəri isə ölüb.
Ümumdünya Səhiyyə Təşkilatı (ÜST) fevralın 11-də infeksiyanın adını COVID-19 qoyub, martın 11-də isə koronavirusu pandemiya elan edib.
.jpg)
