AZ
RU
.jpg)
Tətilin müddəti 30 aprelə qədər uzadıldı-Rusiyada
Rusiya Federasiyasında koronavirus pandemiyasına qarşı mübarizə tədbirləri çərçivəsində elan olunmuş tətil müddəti aprelin 30-dək artırılıb.
Yenixeber.org: Bu barədə ölkə əhalisini prezident Vladimir Putin xalqa müraciətində məlumatlandırıb.
O, bildirib ki, bütün ölkədə elan edilmiş qeyri-iş həftəsi qüvvələri toplayıb, virusun yayılmasına qarşı daha effektiv mübarizə üsullarının tapılmasına, bu sahədə beynəlxalq aləmdə olan daha yaxşı praktikadan yararlanmağa imkan verib: “Biz hələlik yaşlı nəsli ciddi təhlükədən uzaq saxlamağa, məktəblər, institutlar, uşaq bağçalarında yayılmanın qarşısını almağa nail olmuşuq. Amma biz onu da başa düşməliyik ki, təhlükə hələ qalır. Virusoloq mütəxəssislər hesab edirlər ki, dünyada, eləcə də bizim ölkədə epidemiyanın pik həddi arxada qalmayıb. Buna görə də mən qərar qəbul etmişəm ki, ölkədə elan olunmuş qeyri-iş günlərinin müddəti aprelin 30-dək uzadılsın”.
