Avropa Parlamenti koronavirusla mübarizədə Avropa ölkələrinə dəstək olmaq və epidemiyanın sosial-iqtisadi nəticələrini aradan qaldırmaq üçün 38 milyon avro dəyərində tədbirlər paketini qəbul edib.

Yenixeber.org: Bu barədə parlamentin mətbuat xidməti məlumat yayıb.

Beləliklə, sənəddə 37 milyard avro pandemiyadan ən çox təsirlənən ölkələrdə yaşayan insanlara göndəriləcək.

Pul səhiyyə sistemləri, kiçik və orta sahibkarlıq, əmək bazarını və AB iqtisadiyyatının digər həssas hissələrini qorumaq üçün nəzərdə tutulub.

Avropa İttifaqı Həmrəylik Fondu (EUSF) səhiyyə sistemində fövqəladə halları qarşılamaq üçün məbləği 800 milyon avroya qədər artırmağı da nəzərdə tutur.

EUSF böyük təbii fəlakətlər zamanı AB-yə üzv ölkələrə dəstək məqsədi ilə 2002-ci ildə yaradılıb. İndi onun maliyyə dəstəyi ilə pandemiyaya qarşı mübarizə aparılacaq.

Bildiyiniz kimi, COVID-19 pandemiyasının qurbanlarının sayına görə İtaliya və İspaniya Çindən qabaqdadır və dünyada müvafiq olaraq birinci və ikinci yerləri tuturlar.