Fransada son bir gündə 105 nəfər yeni növ koronavirusdan dünyasını dəyişib.

Yenixeber.org: Bu barədə Fransanın Sağlamlıq üzrə baş direktoru Jerom Salomon bildirib.

Onun sözlərinə görə, hazırda ölkədə koronavirusa yoluxanların sayı 10 995-ə, ölənlərin sayı 372-yə çatıb.

Ölənlərin 94 faizini 60 yaşdan yuxarı insanlar təşkil edir.

Hazırda koronavirusa yoluxmuş 4 461 nəfər xəstəxanalardadır ki, onların da 1 222-si ağır vəziyyətdə reanimasiya şöbəsinə yerləşdirilib. Müalicə alan 1 300 nəfər sağalaraq evə buraxılıb.

“Əgər virusun yayılmasının qarşısını almaq istəyirsinizsə evinizdə oturun !” - Jerom Salomon ölkə əhaləsinə müraciətində xatırladıb.

Qeyd edək ki, car ilin 17 mart tarixindən başlayaraq Fransada karantin rejimi tətbiq edilib, vətəndaşların hərəkəti ciddi şəkildə məhdudlaşdırılıb. Ölkənin 67 milyon əhalisi istisna hallarda evdən bayıra çıxır.

Ölkə üzrə hazırda 100 min polis və jandarm əhalinin karantin rejimi qaydalarına riayət etməsinə nəzarət edir. Qaydalara riayət etməyənlər və evdən əsaslandırılmamış şəkildə çıxanlar 135 avrodan 375 avroya kimi cərimə olunurlar. Karantin rejiminin ilk günü 4095 nəfər bu səbəbdən cərimə olunub.