AZ
RU
Türkiyənin xarici işlər naziri Mövlud Çavuşoğlu Avropa Parlamentinin rəhbəri David Sassolinin onunla görüşdə guya Türkiyənin Suriyadakı əməliyyatını pisləməsi barədə söylədiklərini ikiüzlülük adlandırıb.
Yenixeber.org: Türkiyənin xarici siyasət idarəsinin rəhbəri bu barədə özünün "Twitter"dəki səhifəsində yazıb.
"Avropa Parlamenti rəhbərinin üzümə qarşı dilə gətirə bilmədiyi bəzi şeyləri gerçəklik kimi paylaşması Avropa Parlamentinin qeyri-səmimi və ikiüzlülüyünün yeni bir nümunəsidir. Avropa xalqlarını təmsi edən birinin Avropa Parlamentində baş tutan görüşün məzmununu təhrif etməsindən məyusam", - deyə Çavuşoğlu özünün "Twitter"dəki səhifəsində yazıb.
