AZ
RU
Jurnalisti döyən şəxs həbs edildi
Məhkəmə jurnalist Zülfüqar Xeyirxəbəri döyən şəxs barəsində həbs qətimkan tədbiri seçib.
Yenixeber.org: Bu barədə jurnalist şəxsi Facebook səhifəsində paylaşım edib.
Zülfüqar Xeyirxəbər ona qarşı xuliqanlıq edərək xəsarət yetirən şəxs barəsində həbs qətimkan tədbiri seçildiyini, haqq ədalətin öz yerini tapdığını bildirib. Jurnalist bu məsələdə ona dəstək olan Mətbuat Şurasının sədri Əflatun Amaşova və Baş Prokuror Zakir Qaralova təşəkkür edib.
Qeyd edək ki, Zülfüqar Xeyirxəbərə xəsarət yetirən Seymur Mustafazadə Cinayət Məcəlləsinin 221.1-ci (xuliqanlıq) maddəsi ilə ittiham edilib və onun barəsində həbs qətimkan tədbiri seçilib.
Xatırladaq ki, jurnalist Zülfüqar Xeyirxəbər avqustun 25-i, axşam saat 19:30 radələrində öz avtomobili ilə Mərdəkandan Bakı istiqamətində hərəkət edərkən 99 AD 149 dövlət nömrə nişanlı ağ rəngli "Daewoo" markalı avtomobilin sürücüsü onun qarşısını kəsib və baş verən mübahisə zəminində jurnalistə bədən xəsarəti yetirilib.
.jpg)
